साउन १६ गते, काठ्माडौं । दक्षिण अफ्रिकाले घरेलु टोली इङ्ल्यान्डविरुद्धको तीन खेलको टी–ट्वान्टी सिरिज जितेको छ । पाहुना टोली दक्षिण अफ्रिकाले आइतबार राति भएको तेस्रो तथा निर्णायक खेलमा इङ्ल्यान्डलाई ९० रनले हराउँदै सिरिज २–१ ले जितेको हो ।
साउथह्याम्टनमा दक्षिण अफ्रीकाले दिएको १९२ रनको लक्ष्य पछ्याएको इङ्ल्यान्डले १६ ओभर ४ बलमा मात्र १०१ रन बनायो । इङ्ल्यान्डका लागि जोनी बेयस्ट्रोले २७ रन बनाए । त्यस्तै जसन रोयले १७ बनाउँदा कप्तान जोस बटलर र क्रिस जोर्डनले १४÷१४ रनको योगदान गरे ।
दक्षिण अफ्रिकाका ताब्रेज साम्सीले पाँच विकेट लिए । त्यस्तै केशब महाराज दुई विकेट लिँदा एन्डिले, एडम मार्क्रम , एर्निक नोर्कियाले एक–एक विकेट लिए । यसअघि पहिले ब्याटिङ गरेको दक्षिण अफ्रिकाले २० ओभरमा ५ विकेट गुमाएर १९१ रन बनाएको थियो ।
दक्षिण अफ्रिकाका लागि रिजा हेन्ड्रिक्स र एडम माकरमले अर्धशतकीय इनिङ खेले । हेन्ड्रिक्सले ७० तथा मार्क्रमले अविजित ५१ रन बनाए । इङ्ल्यान्डका लागि डेबिड विलिले तीन विकेट लिए । मोईन अली र क्रिस जोर्डनले एक–एक विकेट लिए । यसअघि सिरिजको पहिलो खेलमा इङ्ल्यान्ड र दोस्रो तथा अन्तिम खेलमा दक्षिण अफ्रिका विजयी भएका थिए ।
