असोज २८ गते, पथरी । मोरङको पथरीशनिश्चरे नगरपालिकामा अमेरिकामा बस्ने नेपाली भाषि युवाहरुको लगानी ‘दोस्रो पिट्सबर्ग फुटबल च्यालेन्ज कप–२०२२’ हुने भएको छ ।
अर्जुन विष्ट, विक्रम भट्टराई लगायतको अमेरिकामा बस्ने युवाहरुको लागानीमा कार्तिक ११ गते सुरु भएर १८ गते फुटबल प्रतियोगिता समापन हुने आयोजकले जनाएको छ ।
शुक्रबार पत्रकार सम्मेलनको आयोजना गरी कार्यक्रम आयोजक समितिको संयोजक गणेश थक्लुङ लिम्बूले कार्यक्रमबारे जानकारी गराएका हुन् । प्रतियोगिता पथरीशनिश्चरे १० स्थित प्रस्तावित पथरीशनिश्चरे रंगशालामा हुनेछ ।
प्रतियोगितामा दमक एकेडेमी, पथरी ११ एफसी, चारतारे एफसी, भुटानी शरणार्थी शिविर पथरीशनिश्चरे, बेलबारी एफसी, बेलडाँगी भुटानी शरणर्थी शिविर, जहदा एफसी र टेन नवोदय गरी ८ टिम सहभागी हुने छ ।
प्रतियोगितामा विजेताले २ लाख १ हजार र उपविजेताले १ लाख १ हजार नगद, ट्रफी र प्रमाणपत्र प्रदान गर्ने योजना रहेको आयोजकले बताएका छन् । प्रत्यक खेलको म्यान अफ द म्याच खेलाडिलाई २५ सय र अन्य विधानगत उत्कृष्ट खेलाडिहरुलाई पाँचदेखि साढे सात हजारसम्म नगद पुरस्कार प्रदान गरिने खेल कमिसार बिक्की राईले बताए ।
