असोज २८ गते, बेलबारी । मोरङ बेलबारीमा धिमाल गाउँ स्तरिय फुटबल प्रतियोगिताको उद्घाटन खेलमा बेलबारी टोल समिति विजय भएको छ ।
बेलबारी–३ स्थित प्रस्तावित रंगशालामा जारी प्रतियोगितामा मैनाबारी टोल समितिलाई २–० गोलको अन्तरले हराउदै बेलबारी टोल समिति विजयी भएको हो । पहिलो हाफको थप गरिएको १ मिनेटको समय अवधीमा बेलबारी टोल समितिका देवेन्द्र धिमालले गोल गर्दै टिमलाई अग्रता दिलाएमा थिए ।
दोस्रो हाफको मध्यतिर उसन धिमालले गोल गर्दै टिमलाई विजयी सुनिश्चित गराएका थिए । कार्यक्रमका प्रमुख अतिथि बेलबारी नगरपालिकाका प्रमुख दिलप्रसाद राईले फुटबल प्रदान गरेर खेलको उद्घाटन गरेका थिए । भोलि शनिबारको पहिलो खेल बरडाँगी र तेलकुडि टोल समिति बीच हुनेछ भने दोस्रो खेल दोघरे र बलुबाहि टोल समिति बीच हुनेछ ।
सजित धिमालको अध्यक्षतामा भएको कार्यक्रममा बेलबारी नगरपालिकाका प्रमुख दिलप्रसाद राई प्रमुख अतिथि रहेका थिए । अतिथिहरुमा बेलबारी नगरपालिकाकी उपमेयर नितु कोईराला थापा, धिमाल जातिय विकास केन्द्रका कोषाध्यक्ष रत्नबहादुर धिमाल, बेलबारी वडा नं. ३ का वडाअध्यक्ष योगेन्द्र सुवेदी, वडा नं. ९ का वडाअध्यक्ष शालिग्राम बस्नेत, धिमाल जातिय विकास केन्द्रका सचिवालय सदस्य अजित धिमाल, केन्द्रीय सदस्य कविन्द्रराज धिमाल लगायतको उपस्थिति रहेको थियो ।
नगरका ११ वटा टिमले खेलमा भाग लिएका छन् भने प्रथम हुनेलाई नगद ३० हजार सहित ट्रफी, दोस्रो हुनेलाई २५ हजार सहित ट्रफी प्रदान गरिने आयोजकले जनाएको छ । असोज २८ गतेबाट सुरु भएको खेल कार्तिक ५ गते सम्पन्न हुनेछ ।
