तस्बिर : अभिषेक महर्जन
१४ कार्तिक, काठमाडौं । आज भएको नेपाल र बंगलादेशबीचको फाइनल खेल पहिलो हाफसम्म गोलरहित बराबरीमा सकिएको छ । त्रिपुरेश्वरस्थित दशरथ रंगशालामा भइरहेको खेलमा दुवै टोली गोल गर्न असफल भएका छन् ।
दुवै टोलीले गोल गर्ने केही अब पाएपनि सदुपयोग गर्न सकेनन् । दुवै टोलीको एक एक प्रहार बारमा लागेको थियो । पहिलो हाफको सुरुवाती केही मिनेटपछि नै नेपालले खेलमा दबाब बनाएको थियो ।
दोस्रो मिनेटमै नेपालको गल्तीमा बंगलादेशले राम्रो अवसर पायो । नेपालमाथि बंगलादेश हाबी भए पनि गोल भने गर्न सकेन ।
नेपाली टोली एन्जिला तुम्बापो सुब्बाको कप्तानीमा मैदानमा उत्रिएको छ । टोलीमा पूजा राना, बिमला विक, अमृता जैसी, रेनुका नगरकोटी, सरु लिम्बु, सावित्रा भण्डारी, गीता राना, प्रिती राई, सविता राना मगर र अमिसा कार्की छन् ।
