लङसिङ् श्रेष्ठ
माघ २७ गते, मिक्लाजुङ । मोरङको मिक्लाजुङ गाउँपालिकामा जारी दोस्रो अध्यक्ष कप रनिङ शिल्ड फुटबल प्रतियोगितामा दोस्रो दिनको खेलमा वडा नम्बर ९ विजयी हुर्दै सेमिफाइनलमा प्रवेश गरेको छ ।
विहिबार भएको खेलमा वडा नं. ६ लाई सडनडेथमा ५–४ गोलको जित निकाल्दै वडा नं. ९ बिजयी हुदै सेमिफाइनलको यात्रा तय गरेको हो । निर्धारीत समयमा दुबै टिमले जाली चुम्न नसक्दा गोल रहित बराबरीमा टुङ्गिएपछि खेलको छिनोफाने टाइव्रेकरले गरेको थियो ।
टाइवे्रकरमा पनी दुबै टिमले ३–३ गोल गरेपछी लगत्तै खेल सडनडेथमा परिणत भएको थियो । सडन डेथमा वडा नं. ६ लाई हराउदै वडा नं. ९ ले नतिजा हात पारेको थियो । खेलका म्यान अफ दि म्याच वडा नं. ९ का गोल किपर अशिमराज श्रेष्ठ घोषित भए ।
खेलमा मिक्लाजुङ गाउँपालिका अध्यक्ष देवी प्रसाद आचार्य, उपाध्यक्ष सरला राई, वडाध्यक्षहरुको उपस्थिती रहेको थियो । भोली शुक्रबारको खेल वडा नं. ३ र वडा ५ बिच हुने खेल व्यवस्थापन समितिका संयोजक मदन श्रेष्ठले बताए ।
