सनम रोक्का 
फागुन २२ गते, पथरी । मोरङको पथरीशनिश्चरे नगरमा जारी ‘इन्ट्रा पथरीशनिश्चरे फुटबल प्रिमियर लिग’को आइतबार भएको खेलमा द रियल ब्रदर्सले जितेको छ ।
न्यू स्टारलाई शून्यको बिरुद्ध ३ गोलको अन्तरले द रियल ब्रदर्स बिजय भएको हो । पहिलो हाफको ३३ औं मिनेटमा द रियल ब्रदर्सका जर्सी नम्बर १० सुरज शिवाले १ गोल लगाउदै अग्रता दिलाएका थिए ।
त्यसैगरी द रियल ब्रदर्सका जर्सी नम्बर ४ का समीर याक्खाले खेलको ३९ मिनेट्मा थप १ गोल गर्दै टिमलाई बलियो बनाएका थिए ।
त्यसैगरी खेलको दोश्रो हाफमा ब्रदर्सका जर्सी नम्बर ९ का अकित लिम्बुले खेलको ५९ मिनेटमा थप १ गोल गर्दै ३-० बनाएका थिए ।
खेलको म्यान अफ द म्याच द रियल ब्रदर्सका समीर याक्खा घोषित भए ।यो जितसँगै द रियल ब्रदर्सले लिगमा ३ अंक प्राप्त गरेको छ । सोमबारको खेल ग्रुप ‘ए’ बाट वाईजिएफटी र टेन नवोदय बीच हुने आयोजक समितिको उपाध्यक्ष बिक्की राईले बताए ।
