चैत ५ गते, पथरी । ‘इन्ट्रा पथरीशनिश्चरे फुटबल प्रिमियर लिग’ को आज हुने फाइनले खेलको २ लाख ५१ हजारको उपाधि कस्ले मार्ला बाजी ? आज उपाधिको लागि भिड्ने दुवै टिम बलियो दावेदार हुन ।
उपाधिको लागि द रियल ब्रदर्श र न्यू स्टार एफसी भिर्दैछ । दुवै टिम समूह ‘बि’ बाट फाइनलकमा पुगेको हो । समूह ‘ए’ बाट शिखर एफसी र समूह ‘बी’ बाट द रियल ब्रदर्श विचको सेमिफाइनल खेलमा समूह ‘बी’ बाट द रियल ब्रदर्श विजयी भएका थिए । त्यसैगरी समूह ‘ए’ बाट टेन नवोदय र समूह ‘बी’ बाट न्यू स्टार विचको सेमिफाइनल खेलमा समूह ‘बी’ बाट न्यू स्टार विजयी भएको थियो ।
खेल तालिका अनुसार सेमीफाइनलमा पुगेका टेन नवोदयले ७ अंक जोडेको थियो भने द रियल ब्रदर्शले पनि ७ अंक जोडेको छ । शिखर एफसी र न्यु स्टारले भने ६–६ अंक जोडेका थिए ।
द रियल ब्रदर्शका फरवाड सुरज शिवा, समीर याक्खा, तिर्थराज बस्नेत, सेनेहाङ लिम्ब, अंकित लिम्बु जस्ता फरवाड खेलाडीहरु उपाधि जित्न मैदानमा आज संघर्ष गर्ने छ । त्यसैगरी उपाधि जित्नका लागि
न्यू स्टारका फरवाड खेलाडीहरु सन्तोष केसी, सुरेन्द्र लिम्बु, जुनियर साँवा, अमर याक्खा, समीर मगर र फरवाड सावाँ लगाएतका खेलाडीहरु लागि पर्ने छ ।
लिगको प्रतियोगितामा विजेता टिमले २ लाख ५१ हजार, उपविजेताले १ लाख ५१ हजार, मेडल, ट्रफी र प्रमाण पत्र प्राप्त गर्ने छन् । यस्तै विद्यागत तर्फ बेष्ट गोलकिपर, बेष्ट डिफेन्स, बेष्ट मिड फिल्डर, बेष्ट फरवार्ड, हाई स्कोर, बेष्ट कोच, राइजिङ प्लेयरले ७ हजार ५ सय र ट्रफी प्राप्त गर्नेछन् । प्रतियोगिताको उत्कृष्ट खेलाडीले नगद १२ हजार ५ सय र ट्रफी प्राप्त गर्ने आयोजक समितिका संयोजक संजिव गिरीले बताए ।
