उत्तम बान्तावा राई 
चैत १९ गते, केचना । मोरङको सुनवर्सी नगरपालिका–१, स्थित केचनामा अन्तरपालिका स्तरीय फुटबल प्रतियोगिता सुुरु भएको छ । शनिबार केचनाको मंगल सिंह माविको प्राङ्गणमा क्षेत्र नं. २ का प्रदेश सांसद लिलाबल्भ अधिकारीले खेल उद्घाटन गरेको थियो ।
उद्घाटन खेलमा सुन्दरहरैचालाई शून्यको विरुद्ध १ गोल गर्दै द रियल ब्रदर्शले जित निकालेको हो । खेलको १७ औं मिनेटमा द रियल ब्रदर्शका लागि जर्सी नं. ९ का आकाश राईले गरेको १ गोल नै निर्णाय गोल बन्यो । खेलको म्यान आफ दि म्याच द रियल ब्रदर्शकै आकाश राई घोषित भए । राईले नगद २५ सय, ट्रफी र मेडल प्राप्त गरे ।
केचना फुटबल क्लबद्धारा आयोजित प्रतियोगिता भोली चैत ३० गते सम्म चल्ने छ । प्रतियोगितामा विजेता टिमले १ लाख ५१ हजार, उपविजेताले १ लाख १० हजार साथमा ट्रफी, मेडल र प्रमाण पत्र प्राप्त गर्ने छन् । प्रतियोगितको प्रत्येक दिन म्यान अफ दि म्याचको पुरस्कार स्वरुप २५ सय, ट्रफी र मेडल प्रदान गरिने आयोजक हेमेश्वर राईले बताए ।
त्यसैगरी खेलको अन्तिम दिन विद्यागत पुरस्कार खेल अवधिभर उत्कृष्ट खेलाडीलाई १० हजार, उत्कृष्ट गोलकिपरलाई ७ हजार, हाई स्कोलरलाई ७ हजार सहित ट्रफी, मेडल प्रदान गरिने र उत्कृष्ट चोकलाई मायाको चिनो र प्रमाण पत्र प्रदान गरिने आयोजकले जनाएको छ ।
भोली आइतबारको खेल केराबारी फुटबल क्लब र हिमाल युनाइटेड विच खेल हुने भएको छ । खेलमा सुन्दर हरैचा नगरपालिका, द रियल ब्रदर्श, आयोजक केचना फुटबल क्लब, कानेपोखरी फुटबल क्बल, उर्लाबारी फुटबल क्लब, डाँडिहाट फुटबल क्लब, केराबारी फुटबल क्लब, हिमाल युनाइटेड, टेन नवोदय, ईष्ट स्टार मधुमल्ला, आयोजक केचना फुटबल क्बल र गोर्खाली युनाइटेड रतुवामाई गरी जम्मा १२ वटा टिमले सहभागी जनाएका छन् ।
स्थानीय केचना प्याराडाईज इङ्लिस स्कुलका विद्यार्थीले स्वागत नृत्य गरेका थिए । कार्यक्रममा कार्यक्रमका प्रमुख अतिथि क्षेत्र नं. २ का प्रदेश सांसद लिलाबल्भ अधिकारी, सुनवर्सी नगरपालिकाका उपमेयर मञ्जु राईले सम्बोधन गरेका थिए । कार्यक्रममा स्थानीय समाजेवी सर्वलाल राईले स्वागत मन्तव्य राखेका थिए ।
