सनम रोक्का 
चैत २७ गते, केचना । मोरङको सुनवर्षी नपा– १ स्थित केचनामा जारी अन्तरपालिका स्तरीय फुटबल प्रतियोगिताको फाइनलमा डाँगिहाट फुटबल क्लब प्रवेश गरेको छ ।
आइतबार भएको सेमिफाइनलको खेलमा द रियल ब्रदर्श एफसीलाई ३–२ गोल अन्तरले हराउँदै डाँगिहाट एफसी फाइनलमा प्रवेश गरेको हो । पहिलो हाफको ७ औं मिनेटमा डाँगिहाटका सुनिल खवासले पहिलो गोल गरे । पहिलो हाफको १७ औं मिनेटमा ब्रदर्शका अंकित लिम्बूले १ गोल गर्दै खेललाई १–१ को बराबरीमा ल्याए । खेलको ३७ औं मिनेटमा डाँगिहाटका मिलन परियारले १ गोल गरे ।
त्यसैगरी दोस्रो हाफको ४१ औं मिनेटमा डाँगिहाटका सुमन लिम्बूले १ गोल गरेपछी रियल ब्रदर्श ३–१ ले पछि प¥यो । खेलको ४४ औं मिनेटमा द रियल ब्रदर्शका क्याप्टेन तिर्थराज बस्नेतले दोश्रो गोल गरे । उनले आकाश राईले प्रहार गरेको कर्नर किकलाई सदुपयोग गर्दै गोल गरेका थिए । द रियल ब्रदर्शले थप गोल गर्न नसक्दा हार बेहोर्नु प¥यो ।
खेलको म्यान अफ दि म्याच विजयी टिमका सुमन लिम्बू घोषित भए । उनले नगद २५ सय रुपैयाँ सहित ट्रफी र मेडल प्राप्त गरे । भोलिको दोश्रो सेमिफाइनलको खेल टेन नवोदय पथरीशनिश्चरे र गोर्खाली युनाइटेड रतुवामाईका बिच हुने आयोजक कमिटीका अध्यक्ष जगराज लिम्बूले बताए ।
