भदौ १७ गते, पथरी । मोरङ पथरीशनिश्चरे ८ नम्बर वडाकार्यलयले खेलाडीहरुलाई खेलकुद सामग्री वितरण गरेको छ ।
वडाले वडाभित्रका फुटबल खेलाडीहरुलाई खेल सामग्री वितरण गरेको हो । वडाले खेलाडीहरुलाई १२ थान फुटबल, २ थान ल्याडर, ४० थान कोन, ४० थान मार्कर, १८ थान जर्सी, १८ थान मोजा, २ थान किपर ग्लोब्स वितरण गरेको छ ।
युवाहरूलाई खेलकुदको माध्यमबाट कुलतबाट बचाँउन र गाउँबाट राष्ट्रिय खेलाडीहरु उत्पादन गर्न वडा कार्यलयले खेलकुदको क्षेत्रमा निरन्तर यस्तो कार्यक्रम गर्दै आएको वडाध्यक्ष नवीन कार्कीले बताए । वडा भित्र फुटबल खेलको अभ्यास गरिरहेका महिला खेलाडीहरुलाई समेत खेलकुद सामग्री उपलब्ध गराइएको छ ।
चालू आर्थिक बर्षमा खेलकुदको क्षेत्रमा दुई लाख रुपैया विनियोजन गरेको वडाले अन्य खेलका खेलाडीहरुलाई समेत खेलकुद सामग्री उपलब्ध गराउने जनाइएको छ ।
