१२ माघ, विराटनगर । हिसान स्पोर्टस् मिटको १२ औं संस्करण अन्तरगत भलिबल खेलमा छात्र तर्फ मोडर्न एरा र कान्तिपुर, छात्रा तर्फ कान्तिपुर कलेज र अर्किड कलेज फाइनलमा प्रवेश गरेको छ ।
आइतबार भएको छात्र भलिबलमा मोडर्न एरा र कान्तिपुर विजयी भई फानमा प्रवेश गरेको हो । पहिलो खेलमा मडर्न एराले रेड स्टारलाई २५–२१ र २५–१६ र २५–१७ को सोझो सेटले पराजित गरेको छ । खेलको म्यान अफ द म्याच मोडर्न एराका पेशल राई घोषित भए ।
दोस्रो खेलमा कान्तिपुर कलेजले शिक्षादिप कलेजलाई २५–८ र २५–१२ को सोझो सेटले पराजित गरेको छ । खेलको म्यान अफ द म्याच कान्तिपुरका सुदिप राई घोषित भए ।
त्यस्तै छात्रा भलिबलमा कान्तिपुर कलेज र अर्किड कलेज विजयी भई फाइनलमा प्रवेश गरेका छन् । पहिलो खेलमा कान्तिपुरले ज्ञालेक्सी कलेजलाई २६–२४ र २५–२५ को सोझो सेटले पराजित गरेको छ । खेलको म्यान अफ द म्याच कान्तिपुरकी तुलसा राई घोषित भइन् ।
दोस्रो खेलमा अर्किड कलेजले रेड स्टारलाई २५–२०, १५–२५ र २५–२३ को सोझो सेटले पराजित गरेको छ । खेलको म्यान अफ द म्याच अर्किडकी रोसिका बराइली घोषित भइन् ।
