सनम रोक्का
३१ असोज, मोरङ । कानेपोखरी–७ स्थित पच्चिस विघेमा जारी प्रथम पच्चीस विघे कपको तेश्रो दिनको खेलमा द ब्वाइज क्लब, लेटाङ विजयी भएको छ ।
शुक्रबार भएको खेलमा इलाईट स्पोट्र्स नेपाल, केराबारीलाई १–० गोल अन्तरले हराउँदै द ब्वाइज क्लब, लेटाङ सेमिफाइनलमा प्रवेश गरेको हो ।
खेलमा द ब्वाइज क्लब, लेटाङका लागि आशिष माझीले निर्णायक गोल गरे । निर्धारित समयमा दुवै टिमबाट राम्रा प्रयासहरु भएपनि अन्य गोल भने हुन सकेन । अन्ततः माझिले गरेको गोलनै निर्णायक बन्दै लेटाङले जित निकाल्यो ।
खेलको म्यान अफ दि म्याच का द ब्वाइज क्लब, लेटाङका रोहित राई घोषित भए ।
प्रतियोगितामा यलम्बर एफसी पथरी, सिसौली एफसी उर्लाबारी, एलाई स्पोर्टस नेपाल केराबारी, द वोइज क्लब नेपाल लेटाङ, फुलबारी एफसी पथरी, ब्रोदर एफसी मिक्लाजुङ, बेलबारी एफसी बेलबारी र आयोजक नव स्पोर्टिङ्ग युथ क्लब गरी जम्मा ८ वटा टिमले खेलमा सहभागि हुने क्लबका कोषाध्यक्ष गोविन्द दाहालले बताए ।
प्रतियोगिताको प्रथम पुरस्कार ५० हजार रुपैयाँ र दोश्रो पुरस्कार २५ हजार रुपैयाँ सहित ट्रफी, मेडल र प्रमाण–पत्र प्रदान गरिने आयोजकले जनाएको छ ।
खेल अवधीभरिबाट समापनको दिन सर्वोउत्कृष्ट खेलाडी, सर्वाधिक गोलकर्ता, उत्कृष्ट गोलकिपर, राइजिङ प्लेयर जस्ता विद्यागत पुरस्कार गरिने आयोजकले बताए ।
भोलीको चौथो खेल आयोजक नव स्पोर्टिङ्ग युथ क्लब र बेलचौरी एफसीका बीच खेल हुने आयोजनकले जनाएको छ ।
